من طرف كيــارا الجمعة يوليو 20, 2007 8:38 am
يعنى تدخل انت تحكيلنا موقف حصللك بدل ما تمدح فيا وتقوللى يا عبقرية
انا هبدأ
مرة خدت تلات نمر تليفون من واحد اعرفه على اساس انهم نمر تامر حسنى
وطبعا متصلتش
لحد ما واحدة صاحبتى بتلعب فى الموبايل
فلقت التلات نمر وسألتنى عليهم
فقولتلها ان دى نمر تامر حسنى بس مش متأكدة
كان معايا ساعتها رصيد 20 جنيه
فقولنا نجرب
المهم اتصلنا بأول نمرة
صاحبتى هى اللى اتكلمت
فرد علينا واحد
فهى بتقوله دى نمرة تامر حسنى
ضحك وقاللها اه انا تامر
قالتلو لا انت مش تامر .... هات أمارة
قاللها أغنيلك يعنى
قالتلو اة عشان تثبت انك تامر
قاللها بس انا مش تامر انا محمد فؤاد
قالتلو مش انت لسة قايللى انك تامر
قاللها لا
قالتلو طب انا هقفل دلوقتى
سلملى على حلا شيحة
قاللها اوكى باى باى
هى قالتلو باى باى
تحس انهم اتصاحبو
جت اتصلت بالنمرة التانية
ردت عليها بنت
فصاحبتى قالتلها تامر حسنى موجود من فضلك
قالتلها نزل هو وشرين يشترو بيرسول
أى خدمة
راحت قافله
المهم يوميها ضحكنا ضحك يكفى عيلة لمدة سنتين
ومن ساعتها كلمة تامر حسنى دى مبطيقش اشوفها عالموبايل