مرة واحد غبي كان ماسك موبايل و بيتصل و عمال يقول دوري و أنت تلاقي..دوري و انت تلاقي...دوري و انت تلاقي فكان جانبه واحدة ست فخدت منه الموبايل و بتسمع لاقت واحدة ست بتقول: الرقم الذي طلبته غير موجود بالخدمة
مره تلاته قاعدين يلعبوا على قهوة الأول قال:كش ملكّّ.. التانى رد:لا ده شيش يك.. التالت راح واخد الكوتشنه و ماشى
مره واحد جه يًًزوّّر فلوس ، فقال يجرب فى ورقة بعشرين جنيه ...... فراح رسمها كويس قوي وكتب بدال العشرين.. 18 ... ونزل عشان يفكها ، فقابل واحد وقال له ممكن تفكها لي جنيهات فقال له الراجل زورتها ازاي ؟؟؟؟؟؟؟ قام خاف و خد بعضه و جرى ، و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفك لي الــــ 18 جنيه دي جنيهات ، فقال له ما فيش جنيهات فكه ، تاخد ورقتين بتسعة
واحده ست ادت لابنها 2 جنيه. قالت له هات بجنيه عيش و بجنيه حليب . نزل الواد ورجع من غير الحاجه .امه قالت له ما جبتش الحاجه ليه؟؟؟؟؟ قال لها اصلي ما عرفتش بانهى جنيه اجيب بيه حليب وانهى جنيه اجيب عيش؟
واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان
مرة واحده بتقول لجوزها بكرة عيد جوازنا تحب نعمل ايه ... قالها ! بكرة الصبح نقف دقيقتين حداد
بنت رجعت من البيت متأخرة أمها : أتأخرتى ليه البنت : أصل كان فى واحد بيعاكسنى أمها : طيب و ده يأخرك ليه؟ البنت : أصله كان ماشى على مهله
اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد
غبى دخل صيدليه بيسال الدكتور قالو في فيتامينات حديد قالو اه قالو طب اديني سيخ
نصيحة : عند وقوع صاورخ كيماوي تصرف كالاتي: طقطق صوابعك ................... لأن مافيش فايدة
