* مناقشات مفتوحه - اسأله --- مشاكل --- كلام --- كل حاجه *

طب ماتحاول تعرفها يا بومبا يمكن تكون هى كمان بتحبك
انا بقى عندى مشكله خايفه تكون ماما زعلانه منى عشان انا بقالى كتير اوى مش بحلم بيها و مش عارفه انا عملت حاجه غلط ولا ايه

انت بتقول ايه يا سسيمبا اقول لمين

معلش ياهاله ياحبيبتى سيبك منه داه فهمه على قده


المهم اكيد ماما مش زعلانه منك فى حاجه ومعنى انك مش بتحلمى بيها داه شىء عادى


علشان دماغك فيها حاجات كتير والعقل الباطن هوالمسئول عنها


بس لو حبيتى تحلمى بيها اقعدى فكرى فيها قبل ماتنامى او احكى عنها مع حد

ولو عندك صور ليها ابقى شوفيها قبل ماتنامى

هترتاحى جدا وهتحسى انها معاكى

وربنا يصبرك

والله يا لالا انا بعمل كده و برده مش بحلم بيها مش عارفه ليه

معلش ياهاله


بكره تحلمى بيها

مع انك مش محتاجه لانك اكيد بتحلمى بيها فى احلام اليقظه

واكيد هى كمان حاسه بيكى

والله يا لالا زى ما بتقولى انا دايما بفتكرها و بقرألها الفتحه كل شويه و فى ناس كتير بيحلموا بيها و هى بتقولهم خالوا بلكم من هاله عشان انا اخر العنقود يعنى بس فالناس بيقولوا انى مش لازم احلم بيها و انها رضيه عنى و انا و الله مش عارفه
انتى ايه رأيك

بصى يا هاله
مش شرط انك عشان مبتشوفيهاش تبقى هى مش راضيه عنك
ممكن يكون ده حصل لان دماغك كان فيها حاجات كتيير
انا مش قصدى انك اتشغلتى عنها بس دماغك مكنتش رايقه او كنتى شايله هم مثلا
وانتى بتقولى انك كنتى فى الثانويه وديه لوحدها بهدله
او تكونى انتى عملتى حاجه عارفه انها مكنتش هاتعجبها
فارتبط الاحساس ده بانك مبتشوفيهاش وده اللى مزعلك
وممكن تصلى صلاه استخاره وربنا ان شاء الله هيهديكى تعملى ايه عشان تستريحى
ومعتقدش ان فى حد ممكن يزعل منك يا هله عشان شكلك انسانه طيبه
واسف على كلامى لو معجبكيش

بس معلش يا سيمبا
هو مش الموضوع ده المفروض يبقى فى قسم مشاكلنا
قولى انتا حطه هنا ليه عشان منفلوش

شكرا موفاسا والله كلامك عجبنى اوى و انا هصلى صلاة استخاره انهارده قبل ما انام و يارب بس اعرف ايه الى حاصل هو انا فعلا حصلى مشاكل كتير اليومين دول و ممكن يكون ده السبب و كمان من ضمن المشاكل دى ان واحده قالتلى ان احنا مصدقنا ان ماما ماتت بس فلكلمه دى لوحدها مضيقانى موت والله

المهم الى قالك الكلمه ديه كان يقصد بيها ايه

ممكن لو ماما الله يرحمها كانت تعبانه جدا ومريضه

يبقى هى كده ارتاحت وهو مايقصدش حاجه تزعلك

داه يعتمد على مدى قربه منكم والقصد من الكلام

هى وحده قريبا منا جدا يعنى من العيله و هى اساسا قالت الكلمه دى عشان انا و اخواتى بنخرج كتير بس مش عشان نتفسح احنا بنروح الجامع او الكرس او لقريبنا فهى قصدها اننا مصدقنا ان ماما ماتت الله يرحمها و صعنا باختصار مع ان لما ماما كانت موجوده كنا بنخرج اكتر و طنط هى الى مكنتش بتشوفنا بس

ياهاله ياحبيبتى

الى يحكم على خروجكم هو بابا وطالما عارف انتم بتروحوا فين يبقى خلاص


وماحدش ليه انه يتحكم فيكم

وانتى واحده داخله جامعه يعنى مسئوله عن تصرفاتك قدام نفسك قبل اى حد

وطالما انتى مابتعمليش حاجه غلط يبقى خلاص مايهمكيش كلامها

انا بايد رايك لالا جدا فعلا راي سليم ووجهه نظرمقنعة جدا


لو خايف متعملش ولو عملت وخايف متندمش

انا مش بخاف من حد انا بتخنق من الكلام ده انا اساسا مدام مقتنعه برأى يبقى خلاص و غير كده انا اخواتى واحده مخلصه و التانيه دخله رابعه يعنى مش محتجين رأى حد بس

مهما كان السن او مرحله النضج للانسان فاسمحيلي اقولك مفيش حد في الدنيا

مش محتاج ان حد يوجهه.......................

لان مفيش انسان معصوم من الغلط ..................

احنا تلاته يعنى بنوجه بعض او بابا هو الى بيوجهنا يعنى قصدى اننا مش محتجين حد يوجهنا الحمد لله

اهم حاجه ياهاله ثقتك بنفسك قدام الناس وشخصيتك القويه هتفرض عليهم احترامك

ومسئوليتك قدام باباكى هتخليه يثق فى كل حاجه بتعمليها

غير كده ماحدش ليه عندك حاجه

ما انا عرفه كل ده بس الناس الى بيدخلوا دول خالتوا يعنى اقرب ناس لينا
فهمانى

اها

ياريت تقعدى معاه واتقربى منها اكتر

هى زى ماما وياريت تحاولى تفهمى وجهة نظرها

ممكن هى تكون شايفه حاجه انتى مش شايفاها

بحكم الخبره

ماشى ما انا بعمل كده و الحمد له الموضوع ده اتحل و خلاص

ياريت حد يحل مشكلتى

انا عندى عقدة العوده الى الطفوله

ههههههههه


كل شويه احلم بنفشى وانا صغيره

مش عارفه ليه

واحلم ب اصحابى

وثانوى والامتحانات

مع انى ماكنتش بذاكر

ممكن علشان افترقنا بعد الجواز

كل واحده بقيت فى بيت

بعد ماكنا كلنا فى بيت

اهءاهء اهء اهء

انا اصلى كنت مرتبطه ب أصدقائى جداا

دبرنى ياوزير!!!!!!!!!!!

انا رأى انك تحولى تتصلى بيهم و تحولوا تفضوا نفسكم و تخروجوا مع بعض تانى