حكمه نغمها لذيذ


    الجزء التانى عريس من على النت ...! تحفه والله

    شاطر
    avatar
    Timooon
    هاكونا ماتاتا
    هاكونا ماتاتا

    عدد الرسائل : 2277
    العمر : 28
    sms :


    My SMS
    $post[field5]


    تاريخ التسجيل : 25/06/2007

    default الجزء التانى عريس من على النت ...! تحفه والله

    مُساهمة من طرف Timooon في الثلاثاء فبراير 26, 2008 10:27 am

    السلام عليكم يا احلى اعضاء

    انا هكمل الحكايه بتاعت كيارا

    عشان انا قريتها كلها بس بصراحه تحفه لازم تقروها



    وصلنا لحد الحاجة لما اتصلت بالمعلم حلاوة العنتبلي وهو فى القهوة

    نشوف ايه اللى حصل


    حلاوة العنتبلى(بصوت خشن): أيوة000مين؟

    الأم: أنا يا معلم

    العنتبلى: عاوزة إيه يا ولية؟!!!

    الأم: تعالى يا خويا شوف بنتك جايلها عريس من النت !!!

    العنتبلى: بتقولى منين ؟!!!!

    الأم: من النت يا حاج!

    العنتبلى: يعنى إيه ؟! فهمينى

    الأم: ياخويا لما أفهم أنا أبقى أفهمك!000تعالى اسألها بنفسك!

    العنتبلى: ماشى000هخلص دور الطاولة دة وآجى على طول

    ثم أغلق الموبايل وأخذ يكلم نفسه!

    نت!000دة يطلع إيه دة كمان؟! 00تكونشى الولية مراتى اتهبلت؟!!!!!

    بس هى ناقصة هبل ؟ ماهى مهبولة من يومها!

    مالك يا معلم حلاوة ؟!00000انت بتكلم نفسك ولا إيه؟!

    سأله صاحبه الذى يلاعبه الطاولة هذا السؤال فانتبه المعلم حلاوة وقال

    العنتبلى: قولى يا زينهم000بما إنك متعلم ومتنور ومعاك تالتة إبتدائى!!! 0000يطلع إيه النت دة؟!


    طبعا المعلم زينهم اترسم بقى وأخذ وضع فخر وعزة وهو يجيب

    وإنت إيش عرفك بالأشكال دى يا معلم؟!

    العنتبلى: أهو عرفت وخلاص

    زينهم: والله يا معلم حلاوة أنا سمعت مرة البت بنت أخت
    عمة جار خالتى! بتقول انها شافت عالنت صور لمذابح بتحصل فى العراق!

    العنتبلى: آآآآآآه0000يعنى زى تليفزيون كدة يعنى!

    زينهم: لا يا معلم مش زى التليفزيون0000وإنما تقدر تقول عليه جرايد بس بتتشاف عالكمبيوتر!

    العنتبلى: يا دين النبى! معقولة ياد الجرنال يدخل عالشاشة الصغيرة دى؟! طب بيدخلوه إزاى؟!

    زينهم(عامل فيها فكيك بقى!): مش فى فتحات ورا فى الشاشة يا معلم؟!000أكيد بيدخلوا الجرنال منها!

    العنتبلى:أكيد الناس دى فاضية وموراهاش أى حاجة تعملها!

    زينهم: هو كدة بالضبط يا معلم!0000بس ليه دة كله؟!

    العنتبلى: أصل الولية مراتى بتقولى بنتك جايلها عريس من النت!

    زينهم: ألف مبروك يا معلم00000أكيد تقصد ان متقدملها صحفى!!!!!!!!!

    العنتبلى(مبسوط): بجد ياد يا زينهم؟!

    زينهم: طبعا يا معلم 0000ماهو زى ما قلتلك النت عبارة عن جرايد عالكمبيوتر
    يبقى قصدها ان واحد جرنالجى اتقدملها!

    مبروووك يا معلم!

    كدة ممكن تعمل دعاية للمحل بتاعك فى الجرنال! وتطلع صورك انت والعجل فى صفحة الحوادث!

    العنتبلى: طب العب يا وش السعد العب!

    رمى زينهم الزهر ثم صرخ

    دش!!!0000راحت عليك يا معلمى!

    اتمنى تكون عجبتكم وباذن الله هنتابع الباقي بعد ما نعرف رايكم

      الوقت/التاريخ الآن هو الخميس أغسطس 16, 2018 6:51 am