حكمه نغمها لذيذ


    الست بطة والأخ احمد ...!!

    شاطر
    avatar
    كيــارا
    مشرفات الهاكونا
    مشرفات الهاكونا

    عدد الرسائل : 1594
    العمر : 27
    sms :


    My SMS
    $post[field5]


    تاريخ التسجيل : 26/06/2007

    default الست بطة والأخ احمد ...!!

    مُساهمة من طرف كيــارا في الأربعاء يوليو 11, 2007 12:59 pm

    قصة :
    الفرخة والديك وكيتو اللذيذ وكتاكت الامورة وكتكت العاقل والست بطة والاخ احمد و ... خشو بس وهتعرفو.

    اخوتى واصدقائى اليوم ليس مثل كل يوم اليوم نحكى قصة غريبة الشكل اسمعو وعو

    الفرخة: بكبك باك بكباك بكابيك بكبك بكابك

    الديك: بكاب يكو أبكبك بكيك بكياك

    ايه دة هو فيه ايه احنا كدة محتاجين مترجم وبعدين بقا... ام ام ام ...اه لقيتها لازم نستعين بالست بطة تيجى ترجملنا

    الاخ احمد : سلام عليكم اذيك يا ست بطة

    الست بطة: هلا هلا بالغالى اذيك يا حمادة عامل ايه

    الاخ احمد :الله يكرمك يا ست بطة عايزين مساعدتك

    الست بطة : ائمرنى يا حمادة عايز تدبحنى وتاكلنى مع شوية شربة ورز ائمرنى يا حبيبى مغلاش عليك

    الاخ احمد: لا يا ست بطة دبح ايه لا سمح الله انا اصلا مبحبش البط المهم عايزينك تساعدينا انك تترجمى للفرخة والديك عشان نعرف قصتهم على اساس انكم بط وفراخ وبتاع يعنى

    الست بطة : ومالو يا حبيبى هما فين وهتكلوهم فى اخر القصة ولا ايه عشان اعمل حسابى فى النهاية بس

    الاخ احمد : والله يا ست بطة على حسب.. لو القصة معجبتش اللى بيسمعوها متهيالى هيكلوهم اما بقا لو عجبتهم برده هيكلوهم دول عالم جعانة يا ست بطة

    طب يبنى سيبنى ائيل شوية كدة وانا بحكى ..

    الشمس تشرق من الشرق وبرده تغرب من الغرب والسماء كبيرة والارض تحت والجبال شامخة و...

    الاخ احمد:ايه يا ست بطة فيه ايه مالك انتى هتخطبى

    الست بطة : معلش يبنى الجلالة خدتنى اصلى لازم اعمل جو كدة رومانسى ووائعى

    الاخ احمد : لا يا ست بطة خشى فى الموضوع الله ما يجعلك فى طبق ملوخية يا رب ولا يحكم واحد جعان فيكى

    الست بطة: يسمع من بقك ربنا يبنى.... انا هدخل فى الموضوع

    اشرقت الشمس من شروقها واغربت برده من غروبها

    الاخ احمد: يييييييييييييييييه دة انتى تزهقى

    الست بطة: خلاص خلاص

    بعد ان اشرقت الشمس من شروقها واغربت من غروبها يقول االفرخة للديك

    الفرخة: بطبط بطابط بطابيط بط بط

    الديك : بطوطى بطابط بطابيطو

    الاخ احمد: ايه يا ست الحجة مالك فيه ايه اجيبلك مترجم انتى كمان

    الست بطة: يا ريت يا حمادة اصل انا ما عرفش فى لغة الفراخ ... لا لا بهرج معاك

    بطبط بطابط بطبيطو

    الاخ احمد : دة انتى دمك واقف

    الست بطة اءيلت وهى بتحكى وتقول..................

    فى مكان يجمعهما سويا تظللهم اخشاب لم يمنع تناسقها من سقوط اشعة الشمس الدافئة على عينيه وهو ينظر اليها وهى تضع عينيها ارضا خجلا وهربا من عينيه القويتين وهو ينظر اليها حبا ويتامل فى جمالها وقد زادها الخجل جمالا فوق جمالها ويقول لها...

    الديك : حبيتى والله بحبك بموت فيكى دة انتى زوجتى

    الفرخة: مش مصدقاك وما زالت عينيها فى الارض ولكن تجتاح وجهها ابتسامة لم تستطع ان تمنعها

    الديك : طيب اعملك ايه عشان تصدقى ادبح نفسى واعمل علية طبق ملوخية ، الف الارض واجيبلك دودة ام اربعة واربعين اقطعلك عرفى وادهولك هدية اعمل ايه ، انتف ريشى ريشاية ريشاية بس عشان ارضيكى

    الفرخة: لا يا حبيبى يسلملى عرفك وريشك دة هو اجمل حاجة فيك انت صبغه ولا دة طبيعى كاكاههههههههة

    واخذا الاثينين يضحكان ويتبادلان الدعابة حتى فجاة ودون انذار اتت السيدة العجوز راعية العشة والتى اختلفت مشاعر الطيور والدجاج فى حبها فبعضهم يراها تاتى لتنظف لهم وترعاهم وتحضر لهم من الطعام مالذ وطاب والقسم الاخر يكرهها عندما تاتى وتنتزع احداهم وتزهق روحها او تاخذ البيض وتترك الام بلا اولاد تكاكى من الوحدة...

    اتت وفى عينيها نظرة يعرفها الديك جيدا انها كالعادة ستاخذ احدى الاناث لتذبحها ولكنه اقسم فى نفسه انها اذا اقتربت من زوجته لن يتركها سيدافع عنها بكل ما اونى من قوة ..

    واقتربت العجوز ولكن هذه المرة فى يدها سكينة تزداد لمعانا كلما اقتربت ونظر الزوجين لبعضهما وامتلات عين الزوجة بالخوف اما الديك فبدا قلبه ينتفض ولكنه ينظر للعجوز بتحدى واضح كانه حفر على وجهه كلمة مفادها لن تاخذى حبيبتى وانا حى ارزق...

    امتدت يدها وانتزعت احدى الفراخ من حضن اولادها بعيدا عن الزوجين وقد هاجت كل العشة وبداو يصدرون اصوات يستغيثون بها ولكن من سينقذ المسكينة من نصل سكينة العجوز... اخذتها وخرجت وقد سكت الجميع واغمضو عينيهم ينتظرون اللحظة التى يسمعون فيها تاوهات واحتضارات المسكينة وسمعوها وهى تصر خ ثم توقفت عن الصراخ وسكتت وتسربت قطرات دمائها الى داخل العشة والكل ينظر الى الدماء بخوف يقولون فى انفسهم عندما يحين الوقت سنكون دماء مثل هذه القطيرات اما هو فلم ينطر بخوف لقد شرد بعينه الى خارج العشة ناظرا الى الشمس شاردا بافكاره لا احد يعلم فيم يفكر ولكنك تستطيع ان تميز فى عينيه نظرة قوية لن تراها فى اى ديك اخر انها نظرة الاخلاص والحب والقوة......


    الديك: يا حبيبتى الدنيا ليلت ولسة بتعيطى خلاص بقا

    الفرخة: مش قادرة اصدق اللى حصل ومش قادرة اتخيل ان ممكن فى يوم يحصلى الكلام دة واسيبك وخصوصا انى انى..

    الديك بنظرة قلق: انك ايه ؟؟

    الفرخة تنظر اليه بدلال وتقول: انى تعبانة شوية ودايخة ونفسى كدة يعنى ساعات انا بقول ساعات بتغم عليه...والحدق يفهم
    الديك: والله العظيم طب احلفى انتى بجد حامل وفى عينيه فرح غامر_(ولكنه مقرون بنفس نظرة القوة هذه العينين ليست عادية)

    الفرخة : طب وحياتك عندى يا رب ريشى كله يطير وابقى قرعة

    الديك : لا يا حبيتى متحلفيش بغير الله احنا مش اتفقنا ع الموضوع دة وخصوصا بعد ما اسلمتى

    الفرخة: انا اسفة سامحنى والله والله بعد كدة مش هاحلف بحاجة غير بالله سبحانه وتعالى...يارب حتى ريش..الديك : هييه احنا قلنا ايه
    الفرخة:هههههههههههههه

    واستمرا الاثنين يضحكان ويكيكان حتى اخذهما النعاس وكل منهما يحلم بيوم غد يوم ان يولد اطفالهما ويظهروا الى بر الامان كيف سيكونو اذكور ام اناث ..

    هو يفكر انهم لو اناث يتمنى ان يشبهو زوجته الحبيبه فى جمالها فاصولها ليست عربية(مستوردة يعنى)
    وهى تفكر لو كانو ذكورا اتمنى ان يشبهو اباهم لان لديه قوة واخلاص الطير العربى الاصيل
    ولكن يا ترى هل سياتى صبح عليهما ام سيؤخذ احدهما ليذبح او ليعيش بعيدا عن الاخر .....

    الفرخة: صباح الخير يا جوزى يا حبيبى عملتلك فطار هتكول حوافرك وراه شوية دود بقا يستهلو منقارك

    الديك بتثاؤب: هى الساعة كام دلوقتى

    الفرخة: الفجر اذن من ساعة وحضرتك فى سابع نومة وما قلتش كوكو كوكو بتاعة كل يوم حتى اصحاب العشة جم يطمنو عليك افتكروك تعبان ولا حاجة عشان مسمعوش صوتك ع الفجر ولما جم ولقوك نايم قعدو يضحكو قوى..

    الديك: يااااااااااه اصلى انبارح كنت بحلم احلام كتيرة قوى من جمالها محبتشى اصحى منها بس ايه ده انتى خدتينى فى دوكة ولا ايه ... فطار ايه اللى بتحضريه دى انتى لازم ترتاحى ومتتحركيش من ع القش فاهمة ولا لا

    الفرخة: يا حبيبى احنا لسة فى الاول متقلقش... بس حاضر زى مانت عايز تمام يا افندم

    الديك : ايوة كدة فراخ عايزة قص ريشها

    واخذا الاثنين يقهقهان ويضحكان ويكيكان وكان الدنيا كلها قد اصبحت ملكهما ولا يعلمان ما فى جعبة القدر لهما من سهام مسلطة....

    انتصف النهار والديك ما زال يعمل فى الحقل ويجمع الدود وينظف الارض ولا مانع من تناول دودة او اثنين اثناء العمل ولم ينسى نصيب زوجته حتى تقوى على الحمل (انتو عارفين بقا يبنى ادمين ان الحمل محتاج تغذية وكدة وكل فرخة وعلى قد دودها)

    الديك: اما يا حبيبتى كان يوم مرهق بشكل المهم انتى عاملة ايه

    الفرخة بحزن: بخير الحمد لله

    الديك بقلق: مالك بصيلى فى عينية !! ولكنها لم تنظر الى عينيه وتسلط نظرها على قش مهمل فى جوانب العشة

    الديك بقلق يتزايد: يا حبيبتى ردى على

    نظرت اليه بعينين يفيض منهما الحزن والالم وفرت منها دمعة لم تقوى على منعها فتركت عينيها وانسابت جاذبة معها ازواج من العبرات وانهمرت دموعها تغرق ريشها وهو ينظر اليها بفزع ولا يقوى على الكلام وقالت له ..

    الفرخة: انا خايفة من بكرة

    الديك: متخافيش من بكرة

    الفرخة: وليه مخفش من بكرة

    الديك: لان بكرة مش بتاعنا دة بتاع اللى خلقه

    الفرخة: انا حاسة اننا هنتفرق

    الديك: يا رب اتقطع حتت ويتحط على خلطة سبايسى واتباع فى كنتاكى وياكلنى واحد جعان ان كنت هسمح ان ممكن حاجة واحد تفرقنا

    الفرخة بدلال وقد توقفت دموعها: متحلفش بغير الله

    الديك: هههههههههه كاااااااااااك انا اسف يا نور عينى يا احلى حاجة فى عشتى

    الفرخة: اوعدنى انك مش هتسبنى

    الديك: وحياة ال.... الفرخة: لا احنا قلنا ايه الديك : والله الذى لا اله الا هو مش هسيبك

    الديك: انتى مسمعتيش قول الله سبحانه وتعالى (وكل شئ عنده بمقدار) (قل لن يصيبنا الا ما كتب الله لنا)

    واستمرت الحياة وهدات النفوس واستقرت الاحوال ومرت الايام وكل يوم هو نهاية لفصل فى حياتهما وبداية لاخر ومرت الشموس اليوم بعد الاخر ونامت الجفون وهدات العيون وغلفها الحب واليقين وقد هدات الانفس وزال الخوف من النفوس وابتسمت الحياه فى وحوه الاحبة...

    وقد اقتربت اللحظة الحاسمة لحظة شروق الشمس على وجوه الصغار وقد تهيات العشة كلها لاستقبال البيض وجاء اليوم الموعود وتحولت العشة الى فريق عمل والديك القلق خارج العشة يصبره اصدقاءه من الديوك الاخري وقد اطالت زوجته والفراخ فى العشة تقوم بدورها لتعين الام اثناء الولادة الاولى لها وبدا الديك يرتعد ويدعو خالقه يا رب سلم يا رب سلم واثناء دعائه سمع صوت ارتطام البيض بالقش فسكت عن الكلام وطار فرحا ودخل اليها وقد وضعت اربع بيضات ذكرين وانثيين (هتقوقولى عرفت منين ان البيض جواه دكرين ونتايتين يا شباب كبرو دماغكم يعنى هو فيه فراخ بتتكلم الفراخ عندنا فى البيت بتتاكل وقال ايه اقتربت العجوز وفى يدها سكينة بتلمع ماهى لازم تلمع فراخ عايشة فى الدور المهم اشعة السونار دلوقتى بتبين نوع الجنين قصدى الكتكوت)


    جلس بجانبها على حافة القش ونظر فى عينيها وكانت مبتسمة ولكن ظهر عليها الاعياء من جراء الولادة ويقول.

    الديك: حمد الله ع السلامة

    الفرخة بضعف : يكاكو فى عزك يا حبيبى

    اما العشة من فراخ وديوك اخذو يرمقونهم بنظرات بعضها حسد والاخرى فرح وسعادة ينظرون الى الزوجين وهم يحتضنون البيض وزوجها يحيطها بجناحيه كانه يخاف عليها هى والصغار ولكن ازاح احدهم جناحيه من عليها واخذ بيضة واخذ الفرخة زوجته انها العجوز الشمطاء اخذت الزوجة وبيضتها وذهبت بلا رجعة وهو ينظر الى زوجته وهى محمولة وهى تنظر اليه وفى عينيها دموع الفراق وافاق من الصدمة وجمع قواه وصرخ

    زوجتىىىىىىىىىىىىى ابنى

    وجرى ناحية العجوز ولكنها اغلقت الباب قبل حتى ان يصل اليه وقف يبكى على الباب ووجد على الارض دمعة زوجته قد سقطت قبل خروجها من الباب فنزل بمنقاره على الارض وتجرع هذه الدمعة لانها اخر شئ من زوجته ولكنه لمح قبل اختفائها على جنب منقاريها كلمت قد اخرجتها ببطئ ضعيف يخيل اليه انها كلمة ( اولادى حافظ عليهم) لم يعرف ماذا يفعل انهار على اقرب قش له وكل من فى العشة ينظرون اليه ويبكون الحاسد والفرح..... يتوسل اليهم بعينيه ماذا يفعل ولكن لا احد يجيبه انغمس فى بكاء مرير ولسان حاله يقول : قدر الله وما شاء فعل اللهم اجرنى فى مصيبتى واخلفنى خيرا منها ... وسكت وسكتو وذهبو هم لينامو ولكنه لم ينام كان على ثقة ان زوجته لن تموت الان حتى يكملو الرسالة ويربو الابناء ثم يمثلو للموت اقصد الذبح كان على ثقة ان فصول القصة لم تنتهى وان الرواية لم تغلق صفحاتها ....

    اغربت الشمس من غروبها واشرقت القمر من قمورها و...

    الاخ احمد : ايه يييييييييييييا ست بطة انت قلبتى تانى مالك فيه ايه متكملى

    الست بطة : والله يا حمادة كابس على النوم ونعسانة نكمل بكرة بقا

    الاخ احمد : يا ستى والناس اللى مستنية دى كملى الاول وبعدين نامى
    الاخ احمد: يا ستى بطة يا حجة .. دى بينها راحت معلش بقا يا شباب نكمل بكرة لما تصحى بس ادعو انها متتكلش لحد بكرة اصلى بينى وبينكم انا جعان اوى وسيبونى اختم انا الجزء دة وهى تكمل بكرة ....... وقد اغربت الشمس واشرقت العشة على سطح الدجاج ...ايه دة ايه اللى انا بقوله دة انا اتعديت ولا ايه ...يلا سلام بقا انا بقيت نباتى خلاص مش هاكل دجاج تانى مع انى بحبه اهئ اهئ اهئ سلام بقا.........
    avatar
    scare
    برنس هاكونا
    برنس هاكونا

    عدد الرسائل : 398
    sms :


    My SMS
    $post[field5]


    تاريخ التسجيل : 22/06/2007

    default رد: الست بطة والأخ احمد ...!!

    مُساهمة من طرف scare في الأربعاء يوليو 18, 2007 3:19 pm

    يا جمالو حت القصص ياكيارا
    دا انتى هاتبهدلينا بقة
    avatar
    كيــارا
    مشرفات الهاكونا
    مشرفات الهاكونا

    عدد الرسائل : 1594
    العمر : 27
    sms :


    My SMS
    $post[field5]


    تاريخ التسجيل : 26/06/2007

    default رد: الست بطة والأخ احمد ...!!

    مُساهمة من طرف كيــارا في الخميس يوليو 26, 2007 8:24 am

    هههههههههه
    ربنا يخليك يا بيبرس
    ميرسى


    _________________





    avatar
    Semba
    ملك الهاكونا
    ملك الهاكونا

    عدد الرسائل : 750
    العمر : 25
    sms :


    My SMS
    $post[field5]


    تاريخ التسجيل : 22/06/2007

    default رد: الست بطة والأخ احمد ...!!

    مُساهمة من طرف Semba في الثلاثاء يوليو 31, 2007 10:54 pm

    ثانكس على الموضوع
    monkey


    _________________



    رمضان كريم و ان شاء الله يكون شهر كريم و خير علينا كلنا
    avatar
    قلب مالوش حدود
    هاكونا 100%
    هاكونا 100%

    عدد الرسائل : 188
    sms :


    My SMS
    $post[field5]


    تاريخ التسجيل : 08/10/2007

    default رد: الست بطة والأخ احمد ...!!

    مُساهمة من طرف قلب مالوش حدود في الأربعاء نوفمبر 28, 2007 10:54 pm



    تقبلى مروري واعجابي بكل ما تخطه هذه الانامل الرااااائعه


    _________________


    قـ ـلـ ـب مـ ـا لـ ـو ش حـ ـد و د

      الوقت/التاريخ الآن هو الجمعة نوفمبر 24, 2017 12:34 pm